काठमाडौं : गायक सोनाहाङ राईको स्वर रहेको नयाँ गीत ‘किन किन’ सार्वजनिक भएको छ । शनिबार युट्युबमार्फत् उक्त गीत सार्वजनिक गरिएको हो । सार्वजनिक उक्त गीतमा पुरुषोत्तम न्यैपानेको संगीत तथा गोविन्द हुमागाईंको शब्द रहेको छ ।
शान थापाको निर्देशनमा तयार भएको भिडियोमा दीपक आचार्य, सुनिता श्रेष्ठ, सिर्जना जिसी, दिप्सन लुइँटेलको अभिनय रहेको छ । भिडियोमा बाल कलाकारको रूपमा सर्वज्ञ काफ्ले र उज्ज्वल शाक्यले अभिनय गरेका छन् । राजिव समर सहायक निर्देशक रहेको भिडियोमा अर्जुन तिवारीको छायांकन तथा सुप्रिम पराजुलीको सम्पादन रहेको छ ।
भिडियोमा छोराले आफ्नी श्रीमतीको कुरा सुनेर आफ्ना आमाबाबुलाई वृद्धाश्रमसम्म पुर्याएको देखाइएको छ । निर्देशक थापाले अहिले नेपालमा भइरहेको वास्तविक कथालाई भिडियोमा उतारिएको बताए । उनले भने, ‘यस्तो कथा अहिले नेपालमा प्रशस्तै पाइन्छ । हामीले त्यसैलाई भिडियोमा उतारेका छौँ ।’
त्यस्तै, गायक सोनाहाङ राई आफू गीतबाट निकै आशावादी भएको बताएका छन् । उनले भने, ‘गीतले अहिलेको समसामयिक कुराहरूलाई उठाएको छ । गीतअनुसारको भिडियो पनि राम्रो बनेको छ । गीतबाट धेरै आशावादी छु ।’
हेर्नुहोस् भिडियो :
प्रकाशित मिति: आइतबार, चैत १७, २०७५ १८:०२