काभ्रे : कवि डा. गोपाल पौडेल मण्डनेद्धारा रचित मुक्तक संग्रह मञ्जरीको लोकार्पण काभ्रेको पनौतीमा वरिष्ठ साहित्यकार तथा चलचित्रकर्मी यादव खरेल, विशिष्ट अतिथिद्धय वियोगी बुढाथोकी र मुक्तककार ज्ञानुवाकर पौडेल, रमेश पौडेले, मच्छेश्वर सापकोटा, सूर्य लाकोजू, कृतिकार गोपाल पौडेलले संयुक्त रुपमा गरेका छन् ।
अक्षरमार्ग साहित्यिक त्रैमासिकद्धारा प्रकाशित मुक्तककार डा. गोपाल पौडेल मण्डनेको मुक्तक संग्रह ‘मञ्जरी’ को लोकार्पण कार्यक्रममा बोल्दै कार्यक्रमका प्रमुख अतिथि वरिष्ठ साहित्यकार यादव खरेलले मुक्तकले मानिसको मनलाई छुन सक्नुपर्ने बताए। कार्यक्रममा विशिष्टि अतिथिको रुपमा मुक्तककारद्धय वियोगी बुढाथोकी र मुक्तककार ज्ञानुवाकरले पनि मुक्तक विधाका विषयमा आ-आफ्ना विचार पोखेका थिए ।
मुक्तककार रमेश पौडेलेले पुस्तकमाथि टिप्पणी गरेका थिए भने लोकगायक मच्छेश्वर सापकोटा, कवि सूर्य लाकोजू, कृतिकार गोपाल पौडेलले पनि आ-आफ्ना विचार पोखेका थिए । कार्यक्रमको आयोजना अक्षरमार्गले गरेको थियो ।
प्रकाशित मिति: शनिबार, चैत १६, २०७५ १९:५४