काठमाडाैं । नेपाल आइडल सिजन-३ की विजेता माेरङकी सज्जा चौलागाईं भएकी छिन् ।
शुक्रबार साँझ भएको ग्रान्ड फिनालेमा प्रवीण बेडुवाल र किरणकुमार भुजेललाई पछि पार्दै सज्जा विजेता बन्न सफल भइन् । बर्दियाका प्रविन फस्ट रनरअप बने भने किरण कुमार भुजेल सेकेन्ड रनरअप भएका छन् ।
विजेता भएसँगै सज्जाले नगद ५० लाख रुपैयाँ पुरस्कार प्राप्त गरेकी छिन् भने फस्ट रनरअप प्रविनले १० लाख र सेकेन्ड रनरअप किरण भुजेलले ५ लाख नगद प्राप्त गरेका छन्।
आइडलको फिनालेमा सीमित मानिस र दर्शकको उपस्थितिमा विजेता घोषणा गरिएको थियो ।
तर ग्रान्ड फिनालेमा भने प्रतिस्पर्धी तथा निर्णायक काेही पनि उपस्थित थिएनन् ।
नेपाल आइडल निर्माण टोलीका एक सदस्यलाई कोरोना पोजिटिभ देखिएसँगै सबैजना आइसोलेसनमा जानु परेका कारण अन्नपूर्ण मिडिया नेटवर्कका अध्यक्ष क्याप्टेन रामेश्वर थापाले विजेता घोषणा गरेका हुन् ।
यसअघि नेपाल आइडल सिजन-१का विजेता बुद्ध लामा र आइडल सिजन-२का विजेता रवि ओड भएका थिए।
प्रकाशित मिति: शुक्रबार, भदौ १२, २०७७ २२:५०
