धनगढी । कञ्चनपुरमा ड्युटीमा खटिएका बेला ढलेर बेहोस भएका प्रहरी जवानको मृत्यु भएकाे छ ।
दंगा नियन्त्रण प्रहरी गण बंकमा कार्यरत डडेल्धुरा अजयमेरु गाउँपालिका वडा नम्बर २ घर भएका प्रहरी जवान सुरेन्द्र कुमार ऐरको उपचारका क्रममा शनिबार बिहान मृत्यु भएको हो।
जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक अमरबहादुर थापा क्षेत्रीका अनुसार शुक्रबार राति ५ नम्बर पोस्टमा ड्युटीमा खटिएका ऐर एक्कासी ढलेर बेहोस भएका थिए ।
उनलाई तत्कालै उपचारका लागि धनगढी ल्याइएकोमा शनिबार बिहान सेती प्रादेशिक अस्पतालमा मृत्यु भएको क्षेत्रीले जानकारी दिए ।
प्रकाशित मिति: शनिबार, भदौ २०, २०७७ ११:१९
