काठमाडौं । महानगरीय प्रहरी वृत्त कालिमाटीमा कार्यरत २ जना प्रहरीलाई कोरोना देखिएपछि प्रहरीले वृत सिल गरेको छ ।
मंगलबार वृत्तका २ प्रहरीमा संक्रमण पुष्टि भएपछि वृत्तलाई सिल गरिएको वृत्तका प्रमुख डिएसपी रूगम कुँवरले जानकारी दिए । वृत्तभित्रै रहेको महिला सेल तथा ट्राफिक प्रहरी प्रभाग पनि सिल गरिएको छ ।
उनीहरुसँगै अन्य ९१ प्रहरी ब्यारेकामा नै बस्ने गरेको बताइएको छ । ती सबैलाई क्वारेन्टाइनमा राखेर स्वाब संकलन गरी परीक्षण गरिने तयारी भइरहेको महानगरीय प्रहरी कार्यालय रानीपोखरीले जनाएको छ ।
साथै प्रहरीका परिवारलाई पनि क्वारेन्टाइनमा राखेर स्वाब संकलन गरी कोरोना परीक्षण गरिने बताइएको छ । संक्रमित दुवै प्रहरी लकडाउनको समयमा फिल्ड मा नै खटेर ड्युटी गरिरहेका थिए ।
